महाराष्ट्राच्या राजकीय घडामोडीवर आता देशाचे रस्ते वाहतूक आणि महामार्गमंत्री नितीन गडकरी यांनी मोठं विधान केलं आहे. ‘शिवसेना आणि भाजप पुन्हा एकत्र आले, तर माझ्यासारख्या व्यक्तीला नक्कीच आनंद होईल.’ असं म्हणत त्यांनी आपलं मत व्यक्त केलं आहे.
केंद्रीय मंत्री नितीन गडकरी यांनी झी कॉन्फरन्स-2022 ‘संवाद जरूरी है’ च्या दुसऱ्या सत्रात हजेरी लावली. यावेळी त्यांनी महाराष्ट्र सरकारवर संकटाचे ढग घिरट्या घालत असल्याचे वक्तव्य केले. नितीन गडकरी यांनी सांगितले ठाकरे सरकारवरील संकट कधी संपणार?
नितीन गडकरी म्हणाले की, महाराष्ट्र सरकारचे संकट लवकरच संपेल. तुम्ही हे संकट संपवाल का, असा प्रश्न गडकरींना विचारण्यात आला, त्यावर ते म्हणाले की, पुढे बघा काय होते ते.
आजच्या समस्यांमध्ये उद्याची उत्तरे दडलेली आहेत, असे मत केंद्रीय मंत्री नितीन गडकरी यांनी व्यक्त केले. लवकरच सर्व प्रश्नांची उत्तरे मिळतील. ढग विरून जातील. अंधार संपेल आणि सूर्य उगवेल. मुख्यमंत्री ठाकरेंचे ढग विरून जातील. तुम्हाला त्याच्या जवळचे मानले जाते का? यावर नितीन गडकरी म्हणाले की, वैयक्तिक संबंध हे राजकारणापेक्षा वेगळे असतात. मग सरकारमध्ये राहो वा नसो. नाती तशीच असतात.
ते पुढे म्हणाले,’मी महाराष्ट्रातील राजकारणावर अधिक भाष्य करणार नाही. मात्र, मी एवढे नक्की सांगेन, की जर शिवसेना आणि भाजप पुन्हा एकत्र आले, तर माझ्यासारख्या व्यक्तीला नक्कीच आनंद होईल.’
दरम्यान, माजी पंतप्रधान अटलबिहारी वाजपेयी यांच्या शब्दांची आठवण करून देताना गडकरी पुढे म्हणाले की, ‘ते म्हणायचे की सरकार येते, जाते, पक्ष येतात आणि जातात, पण देशाचे असाच राहतो. प्रत्येकाने देशासाठी काम केले पाहिजे. भारताला महासत्ता बनवण्यासाठी काम करावे लागेल. आपण पुढे जात राहिले पाहिजे. हा निसर्गाचा नियम आहे.’
0 Comments