फक्त २७ सेंकद आणि होत्याचं नव्हत झालं , डोळ्यादेखत वाहून गेलं दुमजली घर

 

सध्या देशभरात परतीच्या पावसानं थैमान घातलं आहे. निसर्गाचं हे रौद्र रुप पाहून सारेच अवाक् झाले आहेत. उत्तर प्रदेशपासून उत्तराखंडपर्यंत लोक पाऊस, भूस्खलन आणि पुरामुळे हैराण झाले आहेत.

आता पश्चिम बंगालमधील मुर्शिदाबादचा एक व्हिडीओ सोशल मीडियावर मोठ्या प्रमाणात व्हायरल होत आहे. ज्यामध्ये काही सेकंदात गंगा नदीत वाहुन गेली आहेत.ध् पातळी वाढल्यानं गंगेच्या काठावर बांधलेलं दुमजली घर पत्त्याप्रमाणं कोसळलं आणि नदीत वाहून गेलं. हा संपूर्ण प्रकार उपस्थित लोकांच्या कॅमेऱ्यात कैद झाला. सध्या हा व्हिडीओ सोशल मीडियावर प्रचंड व्हायरल होत आहे.

स्थानिकांनी दिलेल्या माहितीनुसार, या इमारतीसोबतच एक झाड आणि शेतजमिनीचा मोठा भागही गंगा नदीत बुडाला आहे. गंगेच्या पाण्याच्या पातळीत सातत्यानं होणारी वाढ आणि नदीचं उग्र रूप पाहता नदीकाठावर राहणारे लोक आपापली घरं सोडून सुरक्षित ठिकाणी स्थलांतरीत होत आहेत. पाण्याची पातळी वाढल्यानं 7 ते 8 घरांना भेगा पडल्या आहेत.