मुंबई विमानतळवर सुरक्षा रक्षकाला मारहाण

मुंबई विमानतळ सतत कोणत्या ना कोणत्या कारणाने चर्चेत असतं. अनेकदा इथे ड्रग्ज आणि सोन्याची तस्करी करणाऱ्या आरोपींना अटक केल्याच्या बातम्या समोर येत असतात.

अशातच आता मुंबई विमानतळावरुन आणखी एक धक्कादायक घटना समोर आली आहे. मुंबई एअरपोर्टवर रिक्षा चालकांची गुंडागर्दी सुरू असल्याचं चित्र समोर आलं आहे. या घटनेचा व्हिडिओही समोर आला आहे. व्हिडिओमध्ये एअरपोर्ट सुरक्षा रक्षक आणि रिक्षा चालकांमध्ये काहीतरी वाद झाल्याचं पाहायला मिळतं.

यात रिक्षा चालक सुरक्षारक्षकाला शिवीगाळ करताना दिसत आहे. इतकंच नाही तर रिक्षा चालकाने रात्री मद्यपान करून एअरपोर्ट सुरक्षा रक्षकाला मारहाणही केली आहे. ही घटना तिथेच उपस्थित असलेल्या व्यक्तीने कॅमेऱ्यत कैद केली आहे.