तीन भावांचे अपहरण अन् दोघांची हत्या

 

राजस्थानमधील भिवडी येथून अपहरण  करण्यात आलेल्या तीन मुलांपैकी दोन मुलांचे मृतदेह आज दक्षिण दिल्लीतील मेहरौली जंगलात सापडले आहेत. राजस्थान पोलिस आणि दिल्ली पोलिसांच्या शोध मोहिमेदरम्यान हे मृतदेह सापडले आहेत.

दोघांचे वय 7 वर्षे आणि 5 वर्षे असल्याचे सांगण्यात येत आहे. अपहरणकर्त्यांनी तिघांच्याही हत्येची कबुली दिली होती, मात्र तिसरा मुलगा जिवंत सापडला आहे. तिन्ही मुलांची जंगलात हत्या केल्याचे अपहरणकर्त्यांनी सांगितले होते. राजस्थान पोलीस आज दोन अपहरणकर्त्यांना घेऊन दिल्लीच्या मेहरौलीच्या जंगलात पोहोचले. अपहरणकर्त्यांच्या सांगण्यावरून दोन मुलांचे मृतदेह ताब्यात घेतले आहे. तर तिसरा मुलगा जिवंत सापडला आहे. भिवडीतील लेबर कॉलनीतील तीन सख्खे भाऊ शनिवारी घरातून बेपत्ता झाले होते.

तीन महिन्यांपूर्वी भिवडीतील लेबर कॉलनीत ज्ञानसिंग राहायला आले. उत्तर प्रदेशातील रहिवासी असलेले ज्ञान सिंह पत्नी उर्मिला आणि 6 मुलांसह येथे भाड्याने खोली घेऊन राहत होते. शनिवारी रात्री 11 वाजता पती-पत्नी घरी परतले असता त्यांना तीन मुले अमन, विपिन आणि शिव घरात नसल्याचे दिसले तर त्यांची लहान मुलगी तेथे खेळत असल्याचे दिसले. ग्यान सिंह यांनी सांगितले की, 'मोठी मुलगी भिवडीतील एका कंपनीत काम करते, त्यामुळे ती सकाळी 8 वाजता घरातून बाहेर पडली आणि त्याची पत्नी एका लहान मुलाला घेऊन काम करायसाठी गेली. दरम्यान, अपहरणकर्त्यांनी फोन करून आठ लाख रुपयांची खंडणी मागितली होती. अपहरणकर्त्यांच्या फोननंतर एकच खळबळ उडाली. पोलिसांनी सीसीटीव्हीच्या आधारे दोन अपहरणकर्त्यांना अटक केली.

अपहरणकर्त्यांनी सांगितले की, तीन मुलांची हत्या केल्यानंतर त्यांनी मृतदेह दिल्लीच्या मेहरौली जंगलात फेकून दिले. पोलिसांनी दिलेल्या माहितीनुसार, अटक केलेले दोन्ही अपहरणकर्ते बिहारचे रहिवासी असून त्यांना अमली पदार्थांचे व्यसन आहे. दोघेही आपला शौक पूर्ण करण्यासाठी खून, अपहरण अशा घटना घडवत असत.आरोपींनी शनिवारी तिन्ही मुलांचे अपहरण करून मंगळवारी आठ लाख रुपयांची खंडणी मागितली होती. अपहरणकर्त्याने सांगितले की, तिन्ही मुलांची हत्या केल्यानंतर मृतदेह मेहरौलीच्या जंगलात मातीत पुरला. सुदैवाने यातील एक मुलगा बचावला. 6 वर्षीय शिवा स्वतःहून जंगलातून बाहेर आला. पोलिसांनी त्याला ताब्यात घेऊन लाजपत नगर येथील बालगृहात पाठवले. त्याचे नाव आणि वडिलांचे नाव सोडून त्याला काहीही सांगता येत नव्हते.