बापरे! दूध टँकरने पती पत्नीला चिरडले

 

अहमदनगर-मनमाड महामार्गावरील बाभळेश्वर चौकात दूध टँकरने दुचाकीवरुन जात असलेल्या दाम्पत्याला चिरडले. यामध्ये पतीचा मृत्यू झाला असून, पत्नी गंभीररीत्या जखमी झाली आहे.

अपघाताची घटना सीसीटीव्हीमध्ये कैद झाली आहे.

बाभळेश्वर चौकातील अपघातानंतर एकच खळबळ उडाली होती. डाव्या बाजूला वळणाऱ्या टँकरने दुचाकीवरुन जात असलेल्या पती-पतीला धडक दिली. दोघाही पती-पत्नीच्या अंगावर दुधाच्या टँकरचे डावे चाक गेले. उत्तम पाखरे (वय ५४, रा. पिंप्री निर्मळ) यांचा जागीच मृत्यू झाला तर पत्नी गंभीररीत्या जखमी झाली आहे. सध्या त्यांची मृत्यूशी झुंज सुरु आहे.

सीसीटीव्ही फुटेज पाहिल्यानंतर सगळ्यांच्याच काळजाचा ठोका चुकला आहे. चौकात अनेक वाहने असल्यामुळे दुधाच्या टँकरचा वेगही फार नव्हता. दुचाकी डाव्या बाजूने उजव्या बाजूला जात असताना अपघात घडला आहे. या अपघाताची पोलिसांनी नोंद घेतली असून, निष्काळजीपणे वाहन चालवल्याप्रकरणी गुन्हा नोंदवून घेतला आहे. पोलिस पुढील तपास करत आहेत.