दोन अज्ञातांकडून जवानावर गोळीबार

 

नागपूरमध्ये एक धक्कादायक घटना घडली आहे. यामध्ये दुचाकीवरून आलेल्या दोन अज्ञातांकडून नागपूरच्या कन्हान कांद्री परिसरातील डब्लूसीएलमध्ये सुरक्षा दलाच्या जवानावर गोळीबार करण्यात आला आहे.

मिलिंद खोब्रागडे असे गोळीबार  करण्यात आलेल्या जवानाचे नाव आहे. या घटनेत मिलिंद खोब्रागडे हे जखमी झाले असून त्यांना उपचारासाठी रुग्णालयात दाखल करण्यात आले आहे. या प्रकरणी पोलिसांनी एकाला अटक केली असून दुसऱ्याचा अजून शोध सुरु आहे.