एकाच कुटुंबातील ५ जणांचा मृत्यू

 

तामिळनाडूतील कुड्डालोर येथे मंगळवारी सकाळी पाच वाहने एकमेकांवर धडकल्याने दोन मुलांसह पाच जणांचा मृत्यू झाला. घटना वेप्पूर परिसरातील आहे.

सूत्रांनुसार, त्रिची-चेन्नई  महामार्गावर एक वाहन पार्क होते. ज्यामध्ये एकाच कुटुंबातील 5 लोक बसले होते. तेव्हा मागून येणाऱ्या ट्रकने कारला धडक दिली. त्याचवेळी पाठीमागून येणारा दुसरा ट्रक व दोन बसेसचीही धडक बसली. त्यामुळे कारमध्ये बसलेल्या एकाच कुटुंबातील ५ जणांना जागीच जीव गमवावा लागला. आजूबाजूच्या लोकांनी तत्काळ कुड्डालोर पोलिसांना माहिती दिली. पोलिसांनी घटनास्थळ गाठून कारमधून मृतदेह बाहेर काढले आणि पोस्टमॉर्टमसाठी पाठवले. कुड्डालोर पोलिसांनी दिलेल्या सूत्रांनुसार, त्यांना मंगळवारी सकाळी रस्ता अपघात झाल्याची माहिती मिळाली. पोलिसांचे पथक घटनास्थळी पोहोचले. तेथे कारमध्ये अडकलेल्या पाच मृतांचे मृतदेह बाहेर काढण्यात आले. त्यानंतर त्याला पोस्टमॉर्टमसाठी पाठवण्यात आले. सध्या महामार्गावरील सर्व वाहने हटविण्याचे काम सुरू आहे. यासोबतच या प्रकरणाचा तपासही सुरू आहे.रविवारी इरोड येथे एका  3 वर्षीय निष्पाप मुलीचा रस्ता अपघातात मृत्यू झाला. तसेच अन्य 10 जण जखमी झाले आहेत. पोलिसांनी दिलेल्या माहितीनुसार, यात्रेकरूंचा एक गट मेलमारुवाथुरला वाहनातून जात होता. दरम्यान, एका वळणावर चालकाचे स्टेअरिंगवरील ताबा सुटल्याने वाहन रस्त्याच्या कडेला असलेल्या झाडावर जाऊन आदळले. सुत्रांनुसार, या अपघातात मुलीचे आई-वडीलही गंभीर जखमी झाले आहेत. त्याचबरोबर वाहनाचे पूर्ण नुकसान झाले आहे. जखमींना उपचारासाठी जवळच्या रुग्णालयात दाखल करण्यात आले आहे. पोलिसांनी गुन्हा दाखल केल्यानंतर तपास सुरू केला आहे.