घरगुती जमिनीचा वाद , आईला बेदम मारहाण , शेवटी रुग्णालयात

 

उत्तर प्रदेश राज्यातील गाजीपूर जिल्ह्यात एका गावात एक भयानक घटना उघडकीस आली आहे.

त्यामुळे संपुर्ण परिसरात खळबळ माजली आहे. घरगुती जमिनीच्या वादात मुलाने आईला जोरदार मारहाण केली. मारहाण इतकी भयानक पद्धतीने केली की, आईला उपचारासाठी दवाखान्यात दाखल करावं लागलं. पण उपचार सुरु असताना आईचा मृत्यू झाल्याची माहिती मिळाली आहे. चक अब्दुल सत्तार गांव ही घटना असल्याची माहिती पोलिसांनी दिली आहे.

पोलिसांनी जाहीर केलेल्या माहितीनुसार, जमिनीचा वाद गुरुवारी सुरु झाला. त्यावेळी विजय नावाच्या मुलाने आपल्या आईला मारहाण करायला सुरुवात केली. इतकी बेदम मारहाण केली की, शेजारच्या लोकांनी जमुनी देवी यांना रुग्णालयात दाखल केलं. त्यांच्यावरती उपचार सुरु असताना मृत्यू झाला.

कोतवाली प्रभारी निरीक्षक तेज बहादुर सिंह यांनी त्यांचा मृतदेह शवविच्छेदनासाठी पाठवला असल्याची माहिती सांगितली आहे. त्याचबरोबर या प्रकरणाची कसून चौकशी होणार आहे.